愛的迫降: 貓貓問「你揀佢定揀我」?

如何訓練你嘅另一半成為出色嘅貓奴


愛情嘅嘢同疫情一樣,話嚟就嚟,擋都擋唔住。但你隻貓唔係咁諗!即使你新歡有玄彬嘅酒粒、孫藝珍嘅氣質,你隻貓都唔 f**king care。在貓咪心目中,你帶另一半返屋企,只係強迫佢接受你另一半,係另類嘅「愛的迫降」!


於是貓咪突然性情大變,一係收埋自己唔出嚟見人,一係豎起晒 D 毛凶你另一半,當佢殺父仇人咁款。你愛貓如命,唔通要放棄段新感情?


Of course not! We are here to help. 但首先,你要明白點解隻貓有咁大反應。



妒忌?傻的嗎!


各位天真嘅人類,你哋諗多咗啦!雖然貓識得妒忌,但貓係好小心嘅動物,有自己嘅領土,亦只會對熟悉嘅氣味表現安心。所以當有陌生人出現,改變周遭嘅氣味、氣場,貓咪會立即感到非常不安,甚至覺得安全受到威脅。



咁點算?貓奴要單身一世?


咁又唔洗!要令貓咪愛上你另一半,方法有好多,最常見係:



1. 用氣味 Say Hello

方法一:

  • 讓你另一半輕輕除下眼鏡、襪子,放喺貓咪可到之處

  • 慢慢行開,俾貓咪對氣味進行「快速測試」(well快極都要時間,作為貓奴必須有耐性),等佢漸漸習慣呢位「新人類」嘅氣味

方法二:

  • 一隻乾淨襪輕抹貓嘴附近,嗰度氣味腺,會令襪仔上代表「友好」嘅信息素

  • 同一隻襪輕抹另一半個人物件

  • 另一半著上呢貓咪減低自我防備意識,做 friend 話都無咁易!

圖片:MemeCenter


2. 收買佢個胃

  • 先安排另一半遠距離拋零食俾貓咪,等佢知呢位人類冇惡意,仲有零食益佢

  • 一步步縮短拋零食嘅距離

  • 最後安排另一半開罐頭餵佢,即刻 friend 過打 band!

圖片:LifeHacker


3. 互動喪玩

  • 盡量用魚竿型玩具,可與貓咪保持適當距離,令佢放低戒心

  • 先安排另一半旁觀你同隻貓玩,令貓咪專注喺玩具,玩具唔好太接近另一半

  • 玩嘅時候,貓咪大腦會釋放正面化學物質,話俾自己聽:「我好開心啊!」同周圍環境 (包括伴侶) 建立互信

  • 重覆幾次後,你可慢慢坐近另一半身邊

  • 最後將玩具交俾另一半,等佢同貓咪玩,一旦成功,做 friend 就好輕鬆!

影片:飛甩貓毛 FELIMOMO


4. 預留「安全地帶」

  • 為貓咪心理健康著想,幾時都要預留足夠空間俾貓咪獨處

  • 最好用專為貓咪設計嘅爬架、跳台,令貓咪可以退守高處而感到安全

  • 通知另一半,嚴禁進入貓咪嘅獨處地帶,否則前功盡廢!

圖片:飛甩貓毛 FELIMOMO

希望以上貼士幫到各位貓奴,令你蜜運亨通,剷屎更輕鬆!


#貓行為心理學 #貓健康 #愛的迫降 #愛情語錄 #愛情公寓 #疫情 #貓傢俱 #貓傢俬 #貓樹 #貓爬架 #貓跳台 #貓妒忌 #男朋友 #女朋友 #貓呷醋 #貓吃醋 #防爭寵

訂閱最新貓咪健康資訊,每電郵到府上!
立即貓化你屋企:

FELIMOMO