我隻貓係神偷 の 偷食篇




作賊心虛,唔係人嘅專利。有無試過無啦啦唔見咗舊擦字膠、髮圈?咦,個盤少咗啲食物嘅... 邊個鬼鬼祟祟偷蕃薯?🍠

罪魁禍首,可能就係你屋企隻貓!貓科動物唔止可愛,仲係偷嘢高手,睇吓台灣嘅食物神偷 Mika 小姐知佢鍾意貢丸


原圖:王芷均 Facebook

究竟點解佢哋咁鍾意偷呢樣、偷嗰樣?你問心已經服侍得貓咪好好,又乾糧又罐罐又零食,點解佢仲要偷食呢?


其實錯可能不在貓咪,而係你平日嘅行為無意中令佢愛上偷食,就例如:


1. 你引貓犯罪

你成日將食剩嘅飯餸留喺枱面,無人看管。貓天生係捕食者 (predators),對食物有非常強烈嘅本能反應。當食物香氣喺鼻前出現,貓咪好難抵擋㗎嘛!

原圖:Reddit


2. 你令佢誤會


你食飯嘅時候,將飯枱上嘅食物分俾貓咪,令貓咪以為你容許佢食枱上嘅食物,以後可以放肆,不問自取。有貓咪更試過因為食得太多有糖份嘅人類食物,本來唔應該食變到鍾意食。

原圖:Greatcanine

3. 餵時間太疏落

你每日只餵兩餐,但貓咪在兩餐之間覺得太肚餓,所以想盡辦法偷食。由於貓咪天生捕食小動物,胃容量唔大,通常小食多餐,所以最好每日分三次或以上餵食,如果嫌麻煩可使用自動餵食器,包無甩拖!

原圖:ChaoticNeutralGrrr


4. 食物得來太易,無滿足感


你餵貓咪時,成碟「隊」俾佢食,令佢缺乏自己捕獵食物嘅滿足感。要解決這問題,可考慮用「益智餵食器」(puzzle feeders),要貓咪動腦筋尋找藏於餵食器內的食物,不但富娛樂性,亦鼓勵佢慢慢食,減低嘔吐的機會。


原圖:Food Puzzles For Cats

如果你隻貓唔偷食,但鍾意偷嘢玩,又唔知可以點,就要等我哋下回分解啦!


#貓行為心理學 #貓健康 #貓飲食 #為食貓 #過肥貓 #貓偷吃該怎麼辦 #怎知道貓餓不餓 #多久餵貓一次 #貓餵食時間 #貓食量 #貓吃飯間隔 #貓食人類食物 #貓慢食

訂閱最新貓咪健康資訊,每電郵到府上!
立即貓化你屋企:

FELIMOMO