貓竇選拔戰!選擇貓床的五大秘訣



你隻貓咪最鍾意瞓邊?

A. 你張床,包括你嘅大(髀)灣區 🐱

B. 你張梳化 🛋️

C. 你嘅工作椅 🤓

D. 淘寶買嘅咕𠱸式嘅貓床 ☠️


割讓自己空間俾貓咪看似偉大,但你有無諗過,貓咪無更好選擇先會瞓嗰 D 地方?淘寶嘅貓床,好多抄外國嘅設計,但用料粗糙甚至對貓有害,真係可免則免。如果你當貓咪係家人,想俾最好嘅佢,應該點揀貓床呢?點先可以令貓咪瞓得舒服、安全,又不佔空間?


1. 夠大 👍


如果貓咪身形較大、鍾意全身拉長咁瞓,或習慣同其他貓咪攬住瞓,建議個貓竇闊少少、深少少,夠佢打蛇餅之餘,仲塞得落一個拳頭就 perfect 嘞。

照片:卡卡 @ 飛甩貓毛 FELIMOMO


2. 可放高處


為安全及不被騷擾或埋伏,貓咪天生鍾意居高臨下,用上帝嘅視覺看世界。想貓咪發個好夢,必須提供一個高處俾佢瞓覺。貓樹係一個唔錯嘅選擇,但如果屋企唔大,可以考慮上牆式貓床,摩登時尚之餘又可節省空間!


照片:Magic Mushroom @ 飛甩貓毛 FELIMOMO


3. 有弧度 🌙


如果有得揀,貓咪通常會揀 U 形貓樹,兩邊突起成身包住,承托力滿分令佢瞓得更自在,進一步增強安全感

片:飛甩貓毛 FELIMOMO


4. 夠隱蔽 🤫


貓其實可以好細膽,假如屋企貓多、人多或有小朋友,要特別注意為貓咪提供躲藏空間。除咗上牆嘅貓床,也可考慮內置貓床空間嘅貓樹,有高度感同時又不怕睡夢中受襲 !

照片:飛甩貓毛 FELIMOMO


5. 用料安全舒服 🐾

貓咪嘅肉球觸覺敏銳,所以不論是貓樹還是貓床,最好選擇以柔軟毛料、地氈或劍麻覆蓋的。這些物料不但手感好,而且無咁易跣腳,用得開心又放心。

照片:飛甩貓毛 FELIMOMO


🎁 Bonus 小貼士


買新貓床,最怕就係屋企隻貓咪唔欣賞!如果貓咪對新床冇乜興趣,唔洗驚嘥錢住!佢可能只不過未適應新嘅貓床或貓傢俱嘅氣味。解決方法好簡單,只要將有你氣味嘅T恤或小毛巾,放到貓床上,貓咪聞到熟悉嘅氣味就會慢慢習慣新地盤了!


#貓行為心理學 #貓健康 #貓樹 #躲藏空間 #氣味 #點揀貓床 #貓床推薦 #如何挑選貓床 #貓貓寵物用品 #貓傢俬 #高級 #貓窩

訂閱最新貓咪健康資訊,每電郵到府上!
立即貓化你屋企:

FELIMOMO